იემენელმა „ჰუსიტებმა“ ისრაელის მიმართულებით ბალისტიკური რაკეტა გაუშვეს, - ინფორმაციას გამოცემა The Times of Israel-ი ავრცელებს.

გამოცემა წერს, რომ ირანის მიერ მხარდაჭერილი „ჰუსიტები“ ომში ჩაერთნენ და სამხრეთ ისრაელის მიმართულებით ბალისტიკური რაკეტა გაუშვეს.

იემენიდან გაშვებული ბალისტიკური რაკეტის ფონზე სამხრეთ ისრაელში საჰაერო განგაშის სირენების ხმა ისმოდა.

ისრაელის თავდაცვის ძალების ცნობით, „ჰუსიტების“ მიერ გაშვებული ბალისტიკური რაკეტა თავდაცვის სისტემამ ჩამოაგდო.

ცნობისთვის, ირანში ომის დაწყების შემდეგ ეს ისრაელის წინააღმდეგ „ჰუსიტების“ სარაკეტო თავდასხმის პირველ შემთხვევას წარმოადგენს.