ლოზუნგით - ,,თავისუფლება ელენეს და სინდისის პატიმრებს” ფილარმონიიდან პარლამენტის მიმართულებით საპროტესტო მსვლელობა გაიმართა.

დღეს, ყოველკვირეული მარში ოპოზიციონერი პოლიტიკოსებისა და აქციების ფარგლებში დაკავებული პირების სოლიდარობას მიეძღვნა.

მსვლელობის მონაწილეებს გაშლილი ჰქონდათ ბანერები პატიმრების გათავისუფლების მოთხოვნით. ასევე, მიტანილი ჰქონდათ საქართველოს, ევროკავშირისა და აშშ-ის დროშები.

მარშის მონაწილეები პარლამენტთან აქციის სხვა მონაწილეებს შეუერთდნენ, სადაც პროტესტი ყოველდღიურად უკვე ერთ წელზე მეტია მიმდიმარეობს.