პარტია „გახარია საქართველოსთვის“ მონაწილეობას იღებს გლობალური პროგრესული მობილიზაციის ფორუმში (Global Progressive Mobilization – GPM), რომელიც 2026 წლის 17–18 აპრილს ბარსელონაში, ესპანეთის პრემიერ-მინისტრის მასპინძლობით იმართება. პარტია „გახარია საქართველოსთვის“ ინფორმაციით,ფორუმში პარტიას თამარ კეკენაძე წარმოადგენს. აღნიშნული პლატფორმა კი აერთიანებს მსოფლიოს წამყვან პროგრესულ პოლიტიკურ ძალებს და ორგანიზაციებს.

„ფორუმის მიზანია ხელი შეუწყოს დემოკრატიის გაძლიერებას, სოციალური სამართლიანობისა და საერთაშორისო თანამშრომლობის განვითარებას თანამედროვე გამოწვევების საპასუხოდ, მათ შორის ავტორიტარიზმის გაძლიერების წინააღმდეგ ბრძოლაში. ღონისძიების ფარგლებში გაიმართება თემატური სესიები და დისკუსიები, რომლებიც მიმართულია პროგრესული ძალების კოორდინაციისა და საერთო ხედვის გაძლიერებისკენ, ასევე იმ პოლიტიკისა და მიდგომების განვითარებაზე, რომლებიც უზრუნველყოფენ ადამიანების კეთილდღეობას, ეკონომიკურ უსაფრთხოებასა და თანასწორ შესაძლებლობებს,” - აღნიშნულია ინფორმაციაში.