უნგრეთის საპარლამენტო არჩევნებში გამარჯვებული პარტია „ტისას“ ლიდერი პიტერ მადიარი იმ პარტიების წარმომადგენლებს შეხვდა, რომლებმაც პარლამენტში მანდატები მოიპოვეს.

მედიის ინფორმაციით, შეხვედრაზე ახალი მთავრობის დამტკიცების თარიღზე შეთანხმდნენ.

კონსულტაციებს ესწრებოდნენ „ტისას“, „ფიდესის“, „ქრისტიან-დემოკრატიული სახალხო პარტიისა“ და „ჩვენი სამშობლოს“ წარმომადგენლები.

მონაწილეები შეთანხმდნენ, რომ ეროვნული კრების პირველი სხდომა 9 მაისს გაიმართება და პრემიერ-მინისტრი იმავე დღეს აირჩევა. უნგრეთის კონსტიტუციის თანახმად, პარლამენტის პირველი სხდომის მოწვევა პრეზიდენტის მოვალეობაა.

შეხვედრაზე პრემიერ-მინისტრი ვიქტორ ორბანი არ იმყოფებოდა და პარტიას მისი ადმინისტრაციის ხელმძღვანელი, გერგელი გუიასი წარმოადგენდა.