გივი მიქანაძემ, თქვენ შვილებს ჩემი გემოვნებით ეცმევათ, სამაგიეროდ, საჯარო სკოლებში კვება ისევ არ იქნება და ბავშვებს შიმშილისგან გული ისევ წაუვათო - მშობლებო, აპირებთ შეეგუოთ ამ და ბევრ სხვა უსამართლობას?,- ამის შესახებ „ლელო - ძლიერი საქართველოს“ წევრი ქეთევან თურაზაშვილი სოციალურ ქსელში წერს.

როგორც თურაზაშვილი აღნიშნავს, ისინი, ვინც ამბობენ, რომ პოლიტიკაში არ ერევა, ყველაფერი პოლიტიკაა.

„გივი მიქანაძემ, თქვენ შვილებს ჩემი გემოვნებით ეცმევათო...

სამაგიეროდ, საჯარო სკოლებში კვება ისევ არ იქნება და ბავშვებს შიმშილისგან გული ისევ წაუვათო....

300-მდე სკოლა დაკეტილი და დანგრეულია, ბავშვები სკოლებში სხვა უბნებში და სხვა სოფლებში დადიან მეორე და მესამე ცვლაში, ვერ ასწრებენ მეცადინეობას, წრეებზე სიარულს...

,,ოცნების" ხელისუფლებაში პრიორიტეტებს არ და ვერ საზღვრავენ, გადაწყვეტილებებს იღებენ ბავშვების საუკეთესო ინტერესის გათვალისწინების გარეშე..

მშობლებო, აპირებთ შეეგუოთ ამ და ბევრ სხვა უსამართლობას?!

ისინი, ვინც ამბობთ, რომ პოლიტიკაში არ ერევით, მინდა, გაუწყოთ, რომ ყველაფერი პოლიტიკაა რაც მოქალაქეებს და მათ ყოფას ეხება, ანუ ყველაფერი ის, რაც თქვენ და თქვენ შვილებს გეხებათ“ , - წერს თურაზაშვილი.