ირანი აშშ-თან მოლაპარაკებების მეორე რაუნდის გამართვას ჯერჯერობით არ დათანხმებულა, - ინფორმაციას ირანული საინფორმაციო სააგენტო Tasnim-ი ავრცელებს.

გამოცემის ცნობით, ირანი საკუთარი პოზიციის მიზეზად აშშ-ის მხრიდან საზღვაო ბლოკადასა და გადაჭარბებულ მოთხოვნებს ასახელებს.

ირანელმა ოფიციალურმა პირებმა გამოცემას განუცხადეს, რომ „მოლაპარაკებების გაგრძელების მთავარ წინაპირობას აშშ-ის მხრიდან გადაჭარბებულ მოთხოვნებზე უარის თქმა წარმოადგენს. წინააღმდეგ შემთხვევაში, ირანი მოლაპარაკებებში დროს არ დაკარგავს“.

Tasnim-ის ინფორმაციით, ირანულმა მხარემ მოლაპარაკებების მეორე რაუნდის შესახებ საკუთარი პოზიცია აშშ-ს პაკისტანის მეშვეობით გადასცა.