23 აპრილს, „ჯორჯიან უოთერ ენდ ფაუერი“, სამგორის რაიონში, სოფელ დიდ ლილოში, ასლანიშვილისა და აბაკელიას ქუჩების კვეთაზე, წყალმომარაგების ქსელზე აუცილებელ ტექნიკურ სამუშაოებს ჩაატარებს. ამის შესახებ ინფორმაციას „ჯივიპი“ ავრცელებს.

მათივე ცნობით, კომპანიის ტექნიკური ჯგუფები მოსახლეობისთვის ნაკლები დისკომფორტის შექმნის მიზნით, სამუშაოების ძირითად ნაწილს ღამის საათებში, ინტენსიურ რეჟიმში შეასრულებენ.

„აღნიშნულთან დაკავშირებით, სამუშაოების მიმდინარეობის პერიოდში აუცილებელია მაგისტრალური ქსელის წყლისგან დაცლა, რის გამოც, 23 აპრილს საღამოს 10:00 საათიდან, 24 აპრილის დილის 10:00 საათამდე წყალმომარაგება შეეზღუდება:

სამგორის რაიონში - ლილოს დასახლების I და II მიკრორაიონებს, 1 კვარტალს, მე-2 კვარტლის N 1- 8 კორპუსებს, მე-4 და მე-5 კვარტალს, ჭირნახულის, სტურუას, მეფრინველეობის, აფხაზავას, ნამორაძის, სოფელ დიდი ლილოს, ლეონტი მროველის, გოკიელის, კამოს (ტყემალაძის), არსენ მეკოკიშვილის, იუმაშევის ქუჩებს, საქნავთის, სადგური ლილოს, ლოჭინოს დასახლებებს, სოფელ გამარჯვებას, სოფელ წინუბანს და ნასაგურს, ვაზიანის სამხედრო დასახლებას, ვარკეთილის მეურნეობას, „ჰუალინგს“ და მის მიმდებარე დასახლებებს, ორხევისა და თეთრიხევის დასახლებებს.

„ჯორჯიან უოთერ ენდ ფაუერი“ ბოდიშს უხდის მომხმარებლებს დისკომფორტისთვის.

წყალმომარაგების შეზღუდვისა და აღდგენის შესახებ ინფორმაციას, „ჯორჯიან უოთერ ენდ ფაუერი“ აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით http://www.gwp.ge”, - ნათქვამია ინფორმაციაში.