საქართველოს ადვოკატთა ასოციაციის თავმჯდომარე ირაკლი ყანდაშვილი „ევროპის უნივერსიტეტის" ვიცე-რექტორს რაულ ქირიას შეხვდა.

ინფორმაციას „ევროპის უნივერსიტეტი“ ავრცელებს.

„შეხვედრაზე მხარეებმა არსებული თანამშრომლობის პერსპექტივებსა და სამომავლო ინიციატივებზე ისაუბრეს.

განსაკუთრებული ყურადღება დაეთმო სტუდენტებისა და ადვოკატების პროფესიული განვითარების ხელშეწყობას, ასევე ერთობლივი სასწავლო ღონისძიებებისა და სასწავლო-სამეცნიერო პროექტების განხორციელებას.

მხარეებმა მზადყოფნა გამოხატეს პარტნიორობის კიდევ უფრო გაღრმავებისთვის და შეთანხმდნენ, რომ უახლოეს პერიოდში გაფორმდება ურთიერთთანამშრომლობის მემორანდუმი, რომელიც განსაზღვრავს გრძელვადიანი თანამშრომლობის ჩარჩოს და იურიდიული განათლების ხარისხის გაუმჯობესებისთვის დამატებით შესაძლებლობებს შექმნის“,- ნათქვამია ინფორმაციაში.