ვაპირებთ, მშვიდობიანი ბრძოლა გავაგრძელოთ იმისთვის, რომ საქართველო გადავარჩინოთ იზოლაციას, ქართველებისგან დაცლას, გადავარჩინოთ რუსეთის უკანა ორღობედ გადაქცევას,- ამის შესახებ „ერთიანობა-ნაციონალური მოძრაობის“ პოლიტიკურმა მდივანმა, გიორგი ბარამიძემ დიდი ბრიტანეთის ელჩთან „ოპოზიციური ალიანსის" შეხვედრის შემდეგ ჟურნალისტებს განუცხადა.

მისი თქმით, „ჰეზბოლას" მეგობრების ნაცვლად, საქართველო უნდა გახდეს ევროკავშირისა და ნატო-ს წევრი.

„ნაციონალური მოძრაობისა" და „ოპოზიციური ალიანსის" თვალსაზრისით მნიშვნელოვანი შეხვედრა იყო. გვქონდა საშუალება, უშუალოდ მოგვესმინა ერთმანეთისთვის, გაგვეცნო მათთვის ჩვენი გეგმები. ჩვენი მთავარი ამოცანა და გეგმა ჩვენმა მეგობრებმა, როგორიც არის დიდი ბრიტანეთი, ევროკავშირი, აშშ და სხვა ცივილიზებული ქვეყნები, კარგად იციან - ეს არის საქართველოს გადარჩენა და გათავისუფლება მოღალატური კრიმინალური, რუსული რეჟიმისგან. ვაპირებთ მშვიდობიანი ბრძოლა გავაგრძელოთ იმისთვის, რომ საქართველო გადავარჩინოთ იზოლაციას, ქართველებისგან დაცლას, გადავარჩინოთ რუსეთის უკანა ორღობედ გადაქცევას. „ჰეზბოლას“ მეგობრობის ნაცვლად, საქართველო უნდა გახდეს ევროკავშირისა და ნატო-ს წევრი, ეს არის ჩვენი ამოცანა და ბუნებრივია, ამ თემებთან დაკავშირებით საუბარი გვქონდა",-განაცხადა ბარამიძემ.