დიდი ბრიტანეთი განსაკუთრებით აღსანიშნავია იმ თვალსაზრისით, რომ მისი სანქციები ყველზე ქმედითი გამოდგა - შესაბამისად, ამის გაგრძელება ძალიან მნიშვნელოვანია! ალიანსს ნათქვამი აქვს: - შიგნით აქცია, გარეთ სანქცია და ალტერნატივის შეთავაზება, - ამის შესახებ ჟურნალისტებთან “კოალიცია ცვლილებისთვის“ ლიდერმა ნიკა გვარამიამ, დიდი ბრიტანეთის ელჩთან შეხვედრის შემდეგ განაცხადა.

გვარამიამ აქვე აღნიშნა, რომ ამ მიმართულებით დღევანდელი შეხვედრა წარმატებული იყო.

“ჩვენ ჩვენი ხედვა გვაქვს, თუ როგორ უნდა შეიცვალოს ხელისუფლება - ეს მხოლოდ პროტესტი არ არის, თუმცა უპირობოდ პროტესტიც არის - და როგორ გავაგრძელოთ ქვეყნის წინ წაყვანა მას შემდეგ, რაც ეს ხელისუფლება არ იქნება.

ახლა ქვეყანა წინ კი არ მიდის, გაჩერებულიც არ არის და მიდის ყოველდღიურად უკან“, - განაცხადა ნიკა გვარამიამ.

დღეს, დიდი ბრიტანეთის ელჩს ოპოზიციური ალიანსის ლიდერები შეხვდნენ.