აჭარის უმაღლეს საბჭოსთან გარემოვაჭრეები საპროტესტო აქციას მართავენ. მათი განცხადებით, გოგებაშვილის ქუჩაზე განთავსებული ჯიხურები ხელისუფლების წარმომადგენლებმა დაანგრიეს. შეკრებილები, მთავრობის წარმომადგენლებთან შეხვედრას მოითხოვენ.

„ჯიხურების დაბრუნებას ვითხოვთ. ვითხოვთ განმარტებებს, პირადად გვინდა გავესაუბროთ მთავრობის წარმომადგენლებს, რათა დაგვეხმარონ და ჩვენი სათხოვარი გულთან მიიტანონ. ჩვენი შემოსავლის წყარო წაგვართვეს“, - ამბობენ შეკრებილები.

ამასთან, აჭარის უმაღლეს საბჭოში მთავრობის თავმჯდომარეობის კანდიდატს ზურაბ პატარაძეს უმრავლესობის წევრები კომიტეტის სხდომაზე უსმენენ.