ვაშინგტონში მომხდარი სროლის შემდეგ თეთრი სახლის ადმინისტრაციის უფროსი აშშ-ის პრეზიდენტის უსაფრთხოების საკითხზე შეხვედრას გამართავს, - ინფორმაციას Reuters-ი თეთრი სახლის წარმომადგენელზე დაყრდნობით ავრცელებს.

გამოცემის ინფორმაციით, თეთრი სახლის ადმინისტრაციის უფროსი სუზი უაილსი აშშ-ის პრეზიდენტის დაცვის სამსახურისა და შიდა უსაფრთხოების დეპარტამენტის ხელმძღვანელობასთან შეხვედრას მიმდინარე კვირაში გამართავს.

სუზი უაილსი უსაფრთხოების სამსახურების ხელმძღვანელობასთან შეხვედრაზე აშშ-ის პრეზიდენტის დონალდ ტრამპის მონაწილეობით დაგეგმილ ღონისძიებებზე „პროტოკოლისა და პრაქტიკის“ საკითხებს განიხილავს.

შეგახსენებთ, 25 აპრილის საღამოს, „ვაშინგტონ ჰილტონის“ სასტუმროში, „თეთრი სახლის კორესპონდენტთა ასოციაციის“ სადილის დროს, რომელსაც აშშ-ის პრეზიდენტი დონალდ ტრამპი და პირველი ლედი მელანია ტრამპი ესწრებოდნენ, შეიარაღებულმა პირმა უსაფრთხოების სამსახურს ცეცხლი გაუხსნა. ინციდენტის დროს აშშ-ის პრეზიდენტი და ადმინისტრაციის მაღალი თანამდებობის პირები სადილიდან სასწრაფოდ გაიყვანეს. სამართალდამცავი ორგანოების ცნობით, თავდამსხმელი 31 წლის მასწავლებელი, კოულ თომას ალენი დაკავებულია.