მოხარული ვარ, რომ რუსეთთან უმაღლეს დონეზე ვთანამშრომლობთ, რადგან რეგიონში მნიშვნელოვანი ცვლილებებია, - ამის შესახებ ირანის საგარეო საქმეთა მინისტრი აბას არაღჩი სოციალურ ქსელში წერს.

მისი თქმით, მიესალმება დიპლომატიის მიმართ რუსეთის მხარდაჭერას.

„ბოლო დროს მომხდარმა მოვლენებმა ჩვენი სტრატეგიული პარტნიორობის სიღრმე და სიმტკიცე დაადასტურა. ჩვენი ურთიერთობების ზრდასთან ერთად, მადლიერები ვართ სოლიდარობისთვის და მივესალმებით რუსეთის მხარდაჭერას დიპლომატიის მიმართ“, - წერს არაღჩი.

ცნობისთვის, ირანის საგარეო საქმეთა მინისტრი გუშინ რუსეთში ჩავიდა. აბას არაღჩი ვიზიტის ფარგლებში რუსეთის პრეზიდენტს ვლადიმერ პუტინსა და საგარეო საქმეთა მინისტრს, სერგეი ლავროვს შეხვდა.