აჭარის მთავრობის მიერ წარმოდგენილი ხედვა შესაბამისობაში მოდის რეგიონის განვითარებასთან, - ამის შესახებ აჭარის უმაღლესი საბჭოს თავმჯდომარე ცოტნე ანანიძემ, ჟურნალისტებთან საუბრისას განაცხადა.

მისი თქმით, მთავრობა ფოკუსირებულია რეგიონის განვითარებაზე.

„დამტკიცდა აჭარის მთავრობა. ხედვები, რომელიც მინისტრთა კაბინეტის შემადგენლობამ წარმოადგინა, აბსოლუტურად შესაბამისობაში მოდის რეგიონის განვითარებასთან და გამოწვევებს ადეკვატურად პასუხობს, რაც გულისხმობს, სამომავლოდ, პასუხისმგებლიან, საზოგადოების ჩართულობით მიღებულ გადაწყვეტილებებს, რაც თავის მხრივ გულისხმობს: განათლების, სოფლის მეურნეობის, ტურიზმის განვითარებას, კულტურული მემკვიდრეობის მოვლასა და ეკონომიკური განვითარების გაგრძელებას”, - აცხადებს ცოტნე ანანიძე.