გერმანიაში რუსეთის სასარგებლოდ ჯაშუშობისთვის ყაზახეთის მოქალაქე დააკავეს, - ინფორმაციას Reuters-ი ავრცელებს.

გერმანიის ფედერალური პროკურატურის განცხადებით, 47 წლის ყაზახეთის მოქალაქე, სერგეი კ. გერმანიის თავდაცვის ინდუსტრიისა და უკრაინის სამხედრო მხარდაჭერის შესახებ ინფორმაციას აგროვებდა და რუსეთის სადაზვერვო სამსახურს გადასცემდა.

გამომძიებლების განცხადებით, ეჭვმიტანილი ბერლინში სხვადასხვა შენობებსა და სამხედრო ობიექტებს, ხოლო ავტომაგისტრალებზე ნატო-ს სამხედრო კოლონებს ფოტოებს უღებდა.

მათივე თქმით, დაკავებული გერმანიის ტერიტორიაზე დივერსიული აქტების ჩასადენად სამიზნეებს არჩევდა.

პროკურატურაში აღნიშნეს, რომ ეჭვმიტანილს რუსეთის სადაზვერვო სამსახურთან კონტაქტი 2025 წლის მაისის შემდეგ ჰქონდა.