ვოლოდიმირ ზელენსკი - მადლობას ვუხდი მეფე ჩარლზ III-ს, უკრაინის მხარდასაჭერად ერთიანობისკენ მოწოდების ძლიერი განცხადებისთვის - სწორედ ეს არის ის, რაც უკრაინასა და მთელ ევროპაში ღირსეული და ხანგრძლივი მშვიდობის მისაღწევად არის საჭირო
ვოლოდიმირ ზელენსკიმ მეფე ჩარლზს აშშ-ის კონგრესში სიტყვით გამოსვლისას უკრაინის მხარდაჭერისთვის მადლობა გადაუხადა.
„მადლობას ვუხდი მის უდიდებულესობას მეფე ჩარლზ III-ს, გაერთიანებულ სამეფოსა და ყველა მამაც ამერიკელს ატლანტის ოკეანის გაღმიდან უკრაინის მხარდასაჭერად ერთიანობისკენ მოწოდების ამ ძლიერი განცხადებისთვის. სწორედ ეს არის ის, რაც უკრაინასა და მთელ ევროპაში ღირსეული და ხანგრძლივი მშვიდობის მისაღწევად არის საჭირო“, - წერს უკრაინის პრეზიდენტი ვოლოდიმირ ზელენსკი X-ზე.
მისი თქმით, უკრაინელი ხალხი გაერთიანებული სამეფოსა და ამერიკის შეერთებული შტატების მხარდაჭერას აფასებს.
ცნობისთვის, გაერთიანებული სამეფოს მერე, ჩარლზ III-მ აშშ-ის კონგრესში სიტყვით გამოსვლისას უკრაინის მხარდაჭერის მნიშვნელობის საკითხზე ისაუბრა.
„უკრაინისა და მისი ყველაზე მამაცი ხალხის დასაცავად დღეს ურყევი გადაწყვეტილებაა საჭირო. ეს აუცილებელია ჭეშმარიტად სამართლიანი და მდგრადი მშვიდობის უზრუნველსაყოფად“, - აღნიშნა მეფე ჩარლზ III-მ.
