BBC - ლონდონში დანით შეიარაღებულმა პირმა ორი ებრაელი მამაკაცი დაჭრა
ჩრდილოეთ ლონდონში დანით შეიარაღებულმა პირმა ორი ებრაელი მამაკაცი დაჭრა, - ინფორმაციას BBC-ი ავრცელებს.
გამოცემის ცნობით, ჩრდილოეთ ლონდონის გოლდერს გრინის რაიონში, სადაც ებრაული თემი ცხოვრობს, დანით შეიარაღებულმა პირმა ერთი მამაკაცი სავაჭრო ობიექტთან, ხოლო მეორე სინაგოგასთან დაჭრა.
დაჭრილები საავადმყოფოში გადაიყვანეს და მათი მდგომარეობა სტაბილურია.
ლონდონის პოლიციის განცხადებით, თავდამსხმელი დაკავებულია. ასევე, მათი თქმით, დანით შეიარაღებულმა პირმა პოლიციელებზე თავდასხმაც სცადა.
დიდი ბრიტანეთის პრემიერ-მინისტრმა, კირ სტარმერმა პირობა დადო, რომ დამნაშავე მართლმსაჯულების წინაშე წარდგება.
„გოლდერს გრინში მომხდარი ეს ანტისემიტური თავდასხმა სრულიად შემზარავია“, - აღნიშნა დიდი ბრიტანეთის პრემიერ-მინისტრმა.
