ევროკომისიის პრეზიდენტი, ურსულა ფონ დერ ლაიენი პარტია „ტისას“ ლიდერს, უნგრეთის მომავალ პრემიერ-მინისტრს, პეტერ მადიარს შეხვდა. ამის შესახებ ფონ დერ ლაიენი სოციალურ ქსელში წერს.

“ძალიან კარგი საუბარი მქონდა დღეს პეტერ მადიართან ბრიუსელში.

განვიხილეთ ნაბიჯები, რომლებიც უნგრეთისთვის განკუთვნილი ფინანსური სახსრების განბლოკვისთვისაა საჭირო, რომლებიც კორუფციასა და კანონის უზენაესობასთან დაკავშირებული კითხვების გამოა გაყინული.

ევროკომისია მხარს დაუჭერს თქვენს მუშაობას ამ პრობლემების მოსაგვარებლად და საერთო ევროპულ ღირებულებებთან ხელახლა თანხვედრაში მოსაყვანად.

ჩვენი გუნდები გააგრძელებენ ერთად მჭიდროდ მუშაობას აყვავებული უნგრეთისთვის, რომელიც ჩვენი საერთო ევროპული სახლის გულშია,” - წერს ფონ დერ ლაიენი.