საქართველოს სტატისტიკის ეროვნულმა სამსახურმა 2025 წლის საქმიანობის ანგარიში გამოაქვეყნა, რომელიც ასახავს უწყების მიერ წლის განმავლობაში განხორციელებულ ძირითად საქმიანობას, მიღწეულ შედეგებსა და სამომავლო გეგმებს.

საქართველოს სტატისტიკის ეროვნული სამსახურის ცნობით, 2025 წელს საქსტატი აქტიურად მუშაობდა ოფიციალური სტატისტიკის ხარისხის გაუმჯობესების, საერთაშორისო სტანდარტებთან დაახლოებისა და სტატისტიკური სისტემის განვითარების მიმართულებით.

„განხორციელდა ახალი სტატისტიკური გამოკვლევები, გაფართოვდა მაჩვენებლების არეალი და დაინერგა ახალი ინდიკატორები სხვადასხვა მიმართულებით.

წლის განმავლობაში განსაკუთრებული ყურადღება დაეთმო მონაცემთა გავრცელების თანამედროვე ფორმატების განვითარებას - გაიზარდა ინფოგრაფიკების, ვიდეორგოლებისა და ინტერაქტიული პლატფორმების გამოყენება. ასევე, შეიქმნა ახალი ელექტრონული პროდუქტები, მათ შორის ენერგეტიკისა და გარემოს სტატისტიკის პორტალები.

საქსტატი აქტიურად თანამშრომლობდა საერთაშორისო პარტნიორებთან და ადგილობრივ დაინტერესებულ მხარეებთან, რაც მიზნად ისახავს ოფიციალური სტატისტიკის ხარისხის ამაღლებასა და მონაცემთა გამოყენების გაუმჯობესებას.

ანგარიში ასევე მოიცავს ინფორმაციას საქსტატის ბიუჯეტის, ორგანიზაციული სტრუქტურის, განხორციელებული ცვლილებებისა და 2026 წლისთვის დაგეგმილი საქმიანობის შესახებ.

საქსტატის 2025 წლის საქმიანობის ანგარიში შეგიძლიათ იხილოთ ბმულზე“, - აღნიშნულია ინფორმაციაში.