აშშ-ის პრეზიდენტის დონალდ ტრამპის განცხადებით, აშშ გერმანიიდან, მომდევნო წლის განმავლობაში, პენტაგონის მიერ გამოცხადებულ 5 000 ჯარისკაცზე გაცილებით მეტი ჯარისკაცის გაყვანას გეგმავს.

„ვაპირებთ, მნიშვნელოვნად შევამციროთ ჯარისკაცების რაოდენობა და 5 000-ზე გაცილებით მეტით შევამცირებთ“, - განუცხადა ტრამპმა ჟურნალისტებს.

ტრამპის მიერ აღნიშნული კომენტარის გაკეთებამდე ერთი დღით ადრე პენტაგონმა განაცხადა, რომ აშშ გერმანიიდან, მომდევნო ექვსიდან თორმეტ თვემდე პერიოდში დაახლოებით 5000 ჯარისკაცს გაიყვანს.

გერმანიის თავდაცვის მინისტრის, ბორის პისტორიუსის განცხადებით, აშშ-ის მხრიდან ამ ნაბიჯის გადადგმა მოსალოდნელი იყო და ეს აჩვენებს, რომ ევროპამ საკუთარი უსაფრთხოებისთვის მეტი პასუხისმგებლობა უნდა აიღოს.