ფინეთის საჰაერო სივრცე, რუსეთის საზღვართან ახლოს, უცნობმა დრონმა დაარღვია, - ინფორმაციას უკრაინული მედია ფინეთის თავდაცვის სამინისტროზე დაყრდნობით ავრცელებს.

უწყების ცნობით, დრონი ვიროლაჰტის მუნიციპალიტეტში დააფიქსირეს, რომელიც რუსეთის ლენინგრადის ოლქს ესაზღვრება.

დრონის ტიპი ან წარმომავლობა, ჯერჯერობით, დადგენილი არ არის. დრონი ფინეთის საჰაერო სივრცეში აღარ იმყოფება.

საკითხს ფინეთის სასაზღვრო დაცვა იძიებს.