საფრანგეთის პრეზიდენტმა ემანუელ მაკრონმა სომხეთის პრემიერ-მინისტრ ნიკოლ ფაშინიანთან ერთად ერევნის ქუჩებში გაისეირნა.

მაკრონი სომხეთში ევროპის პოლიტიკური გაერთიანების მერვე სამიტზე დასასწრებად იმყოფება.

"ძალიან მიხარია სომხეთში დაბრუნება. მადლობა ამ დახვედრისთვის!

ხვალ ევროპის პოლიტიკურ თანამეგობრობასთან ერთად ჩვენ გავაგრძელებთ უფრო სუვერენული ევროპის მშენებლობას. შემდეგ კი ჩემს მეგობარ პრემიერ-მინისტრ ნიკოლ ფაშინიანთან ერთად ჩვენ დავამყარებთ სტრატეგიულ პარტნიორობას ჩვენს ქვეყნებს შორის", - დაწერა მაკრონმა X-ზე.

4 მაისს სომხეთში ევროპული პოლიტიკური გაერთიანების (EPC) მე-8 სამიტი გაიხსნება. სამიტს ესწრებიან ევროპელი ლიდერები. სომხეთში დელეგაციასთან ერთად იმყოფება საქართველოს პრემიერ-მინისტრი, ირაკლი კობახიძე.