აშშ-ის სახელმწიფო მდივანი, მარკო რუბიო რომის პაპს შეხვდება, - ინფორმაციას აშშ-ის სახელმწიფო დეპარტამენტი ავრცელებს.

„აშშ-ის სახელმწიფო მდივანი მარკო რუბიო 6-8 მაისს რომს ეწვევა, რათა იტალიასა და ვატიკანთან ორმხრივი ურთიერთობების გაღრმავებას ხელი შეუწყოს. სახელმწიფო მდივანი რუბიო წმინდა საყდრის ხელმძღვანელობასთან ახლო აღმოსავლეთში არსებულ ვითარებასა და დასავლეთ ნახევარსფეროს ორმხრივ ინტერესებს განიხილავს. იტალიელ კოლეგებთან შეხვედრაზე აქცენტი უსაფრთხოების საერთო ინტერესებზე გაკეთდება“, - ნათქვამია სახელმწიფო დეპარტამენტის განცხადებაში.

ვატიკანის ცნობით, რომის პაპი ლეო XIV მარკო რუბიოს 7 მაისს შეხვდება.