მშვიდობა „აღლუმებამდე“ და „ზეიმებამდე“ ვერ მოიცდის, - ამის შესახებ უკრაინის საგარეო საქმეთა მინისტრი, ანდრეი სიბიგა სოციალურ ქსელში წერს.

„თუ მოსკოვი მზადაა, საომარი მოქმედებების დასასრულებლად, მას ამის გაკეთება უკვე ხვალ ღამითვე შეუძლია. უკრაინა მზად არის: შუაღამეს 5-6 მაისს. ეს სერიოზული წინადადებაა ომის დასასრულებლად და დიპლომატიაზე გადასასვლელად“, - წერს ანდრეი სიბიგა X-ზე.

მისი თქმით, „6 მაისი აჩვენებს იმას, სერიოზულად არის თუ არა მოსკოვი განწყობილი და რა სურს სინამდვილეში - მშვიდობა თუ სამხედრო აღლუმები“.

შეგახსენებთ, რუსეთის თავდაცვის სამინისტრომ მეორე მსოფლიო ომში გამარჯვების დღის აღსანიშნავად ცეცხლის შეწყვეტა 8-9 მაისს გამოაცხადა.

რუსეთის განცხადებაზე საპასუხოდ, უკრაინის პრეზიდენტმა, ვოლოდიმირ ზელენსკიმ ცეცხლის შეწყვეტის რეჟიმი 5-6 მაისის ღამის 00:00 საათიდან გამოაცხადა.