ჩვენი გრძელვადიანი სანქციები კვლავ სრულიად სამართლიან პასუხს წარმოადგენს რუსეთის დარტყმებზე. შეიარაღებული ძალების „ღრმა დარტყმის“ ოპერაციის ფარგლებში, მტრის რამდენიმე სამიზნის, მათ შორის ჩებოქსარში სამხედრო-სამრეწველო კომპლექსის ობიექტების, წინააღმდეგ „ფლამინგო F-5“ ტიპის ფრთოსანი რაკეტების საბრძოლო გაშვება განხორციელდა, - ამის შესახებ უკრაინის პრეზიდენტი ვოლოდიმირ ზელენსკი სოციალურ ქსელში წერს.

მისი ინფორმაციით, უკრაინულმა „ფლამინგოებმა“ 1 500 კილომეტრზე მეტი მანძილი დაფარეს.

ზელენსკის ინფორმაციით, სამხედრო საწარმოო ობიექტი აწარმოებდა რელეური დაცვის სისტემებს, ავტომატიზაციის სისტემებს და დაბალი ძაბვის აღჭურვილობას. ქარხანა ნავიგაციის კომპონენტებით ამარაგებდა რუსეთის საზღვაო ფლოტის, სარაკეტო ინდუსტრიას, ავიაციასა და ჯავშანტექნიკას.

„ყველაფერს, რასაც რუსები ჩვენს წინააღმდეგ ომში იყენებენ - უკრაინის წინააღმდეგ. რუსეთმა უნდა დაასრულოს ომი და მიმართოს ნამდვილ დიპლომატიას. ჩვენ ჩვენი წინადადება გარკვევით წარვადგინეთ. დიდება უკრაინას!“, - აცხადებს ზელენსკი.