ჰორმუზის სრუტეში ფრანგულ სატვირთო გემზე დარტყმა განხორციელდა, რის შედეგადაც, ეკიპაჟის წევრები დაშავდნენ, - ინფორმაციას გამოცემა Reuters-ი ავრცელებს.

ფრანგულმა კომპანია CMA CGM-მა განაცხადა, რომ მისი ერთ-ერთი სატვირთო გემი, „სან ანტონიო“ გუშინ ჰორმუზის სრუტეში გადიოდა, როცა მასზე დარტყმა განხორციელდა.

მალტის დროშის ქვეშ მცურავი გემი, „სან ანტონიო“ ინდოეთისკენ მიემართებოდა.

თავდასხმის შედეგად ეკიპაჟის წევრები დაშავდნენ და გემი დაზიანდა.

კომპანიის ცნობით, გემიდან ეკიპაჟის დაშავებული წევრების ევაკუაცია განხორციელდა და მათ სამედიცინო დახმარება აღმოუჩინეს.