აშშ-ის პრეზიდენტი დონალდ ტრამპი თეთრ სახლში UFC-ის მებრძოლებს ხვდება.

თეთრი სახლის ოვალურ კაბინეტში მიმდინარე შეხვედრას ესწრებიან ილია თოფურია, მისი მეტოქე ჯასტინ გეიჯი და კიდევ რამდენიმე მებრძოლი.

დონალდ ტრამპის თქმით, ის სპორტის ფანია და 14 ივლისს თეთრი სახლის წინ იქნება "დიდი ბრძოლა".

"14 ივლისს დიდი ბრძოლა გვაქვს, რაც აქამდე არასდროს მომხდარა და აღარასოდეს მოხდება", - განაცხადა ტრამპმა.

ილია თოფურიამ მადლობა გადაუხადა ტრამპს აღნიშნული შესაძლებლობისთვის.

"მინდა, მადლობა გადაგიხადოთ, რომ მოგვეცით შესაძლებლობა, ჩავატაროთ ყველაზე დიდი ღონისძიება სპორტის ისტორიაში. მადლობა მინდა გადავუხადო ღმერთს, რომ ეს ლამაზი დღე გვაჩუქა და მოგვცა შესაძლებლობა, გამოგვეცადა, როგორი გრძნობაა ოვალურ კაბინეტში ყოფნა. ეს შესანიშნავია. მადლობა" , - განაცხადა ილია თოფურიამ და ტრამპს ხელი ჩამოართვა.

ასევე, თოფურიამ ტრამს უთხრა, რომ ვერასდროს წარმოიდგენდა, "ასეთი კეთილგანწყობილი თუ იქნებოდით“, რაზეც ტრამპმა უპასუხა, რომ "ხო, ცოტა მცდარი იმიჯი მაქვს".

ილია თოფურია UFC-ის მსუბუქი დივიზიონის ქამრისთვის ამერიკელ ჯასტინ გეიჯს შეებრძოლება.