უკრაინის შეიარაღებულმა ძალებმა რუსეთის ქალაქ ბრიანსკს შეუტიეს, რის შედეგადაც 13 ადამიანი დაშავდა, - ინფორმაციას რუსული მედია ბრიანსკის ოლქის გუბერნატორზე, ალექსანდრე ბოგომაზზე დაყრდნობით ავრცელებს.

„უკრონაცისტებმა ქალაქ ბრიანსკს შეუტიეს. ფაშისტების მსგავსად, მათ ღამით საცხოვრებელ შენობებსა და მშვიდობიან მოსახლეობას დაარტყეს. ბრიანსკის ბეჟიცკის რაიონში ტერორისტული თავდასხმის შედეგად, სამწუხაროდ, 13 ადამიანი დაშავდა, მათ შორის ერთი ბავშვი“, - განაცხადა გუბერნატორმა.

მისი ინფორმაციით, დაზიანდა ორი საცხოვრებელი კორპუსი, 20-ზე მეტი ბინა და 40 ავტომობილი.