ირანის პრეზიდენტი მასუდ ფეზეშქიანი აცხადებს, რომ ქვეყნის უზენაეს ლიდერს მოჯთაბა ხამენეის შეხვდა, - ინფორმაციას Sky News-ი ირანულ მედიაზე დაყრდნობით ავრცელებს.

ირანის სასამართლოს მედია საშუალება Mizan-ის ინფორმაციით, ქვეყნის პრეზიდენტმა, მასუდ ფეზეშქიანმა განაცხადა, რომ შეხვედრა ცოტა ხნის წინ „მოკრძალებულ და გულწრფელ“ ატმოსფეროში წარიმართა.

ცნობისთვის, მოჯთაბა ხამენეი ირანის უზენაეს ლიდერად არჩევის შემდეგ საჯაროდ არ გამოჩენილა. დასავლური მედიის ინფორმაციით, ხამენეიმ 28 თებერვალს აშშ-ისა და ისრაელის იერიშების შედეგად მძიმე დაზიანებები მიიღო და მკურნალობას განაგრძობს.