საჰაერო თავდაცვის ძალებმა მოსკოვის დროით 0:00 საათიდან 07:00 საათამდე, 264 უკრაინული უპილოტო საფრენი აპარატი გაანადგურეს, - ინფორმაციას რუსული მედია ქვეყნის თავდაცვის სამინისტროზე დაყრდნობით ავრცელებს.

უწყების ცნობით, სამიზნეები ბელგოროდის, ბრიანსკის, ვორონეჟის, კალუგის, კურსკის, ლიპეცკის, როსტოვის, რიაზანის, სმოლენსკის, ტულის, ულიანოვსკის და იაროსლავის ოლქებში, კრასნოდარის მხარეში, ყირიმში, თათარსტანში, მოსკოვის ოლქში, ასევე აზოვისა და შავი ზღვების თავზე ჩამოაგდეს.

რუსული მედია წერს, რომ რუსეთის პრეზიდენტის, ვლადიმერ პუტინის მიერ გამარჯვების დღის აღსანიშნავად გამოცხადებული ცეცხლის შეწყვეტის რეჟიმი დღეიდან ამოქმედდა და 10 მაისამდე გაგრძელდება. რუსული მხარის მტკიცებით, ამ დროის განმავლობაში მათი ჯარები არ დაარტყამენ უკრაინის შეიარაღებული ძალების განლაგების ადგილებს ან სამხედრო-სამრეწველო კომპლექსის ობიექტებს უკრაინის ტერიტორიაზე.