9 მაისს გაიმართება საქართველოს ჩემპიონატი გოჯუ-რიუ კარატეში. ტურნირში მონაწილეობას დაახლოებით 250 სპორტსმენი მიიღებს. შეჯიბრება ორ კატეგორიაში ჩატარდება – კატასა და კუმიტეში (ორთაბრძოლები).

ჩემპიონატში მონაწილეობენ როგორც თბილისის, ასევე სხვადასხვა რეგიონის წარმომადგენლები – აჭარიდან, გურიიდან, სამეგრელოდან და კახეთიდან.

შეჯიბრი დილის 09:00 საათზე დაიწყება. გახსნითი ცერემონია 12:00 საათზე გაიმართება. ღონისძიებას მოწვეული სტუმრები დაესწრებიან. ცერემონიის ფარგლებში გაიმართება საჩვენებელი გამოსვლები, რამდენიმე ფინალური ორთაბრძოლა და გამარჯვებულთა დაჯილდოება სხვადასხვა კატეგორიაში.

გახსნითი ნაწილის დასრულების შემდეგ ჩემპიონატი ჩვეულ რეჟიმში გაგრძელდება და დღის ბოლომდე გასტანს.

(R)