„არ იქნება სამართალი, არ იქნება მშვიდობა“, „თავისუფლება სინდისის პატიმრებს“, - ამ ლოზუნგებით ბათუმში მოქალაქეები საპროტესტო აქცია-მსვლელობას აწყობენ. ისმის შეძახილები „თავისუფლება მზია ამაღლობელს“, „თავისუფლება პოლიტიკურ პატიმრებს“.

საპროტესტო აქციის მონაწილეები მსვლელობით აჭარის მთავრობის შენობისკენ მიემართებიან.

აქციის მონაწილეებს ამ წუთებში მსვლელობის გამო, აბაშიძის ქუჩაზე სატრანსპორტო მოძრაობა შეზღუდული აქვთ.

„გათავისუფლდნენ სინდისის პატიმრები, რომლებიც „ქართული ოცნების“ ხელისუფლებამ დააპატიმრა. ახალგაზრდები ევროპული მომავლისთვის იბრძვიან. ჩვენ ვაგრძელებთ ბრძოლას რეჟიმის წინააღმდეგ“, - აცხადებენ შეკრებილები.