ახალციხეში, სოფელ აწყურთან მომხდარ ავტოსაგზაო შემთხვევას მსხვერპლი მოჰყვა.

როგორც „ინტერპრესნიუსს“ შინაგან საქმეთა სამინისტროში განუცხადეს, ავარიის შედეგად დაიღუპა ორი პირი, ორი კი დაშავდა.

უწყების ცნობით, მომხდარზე გამოძიება 276-ე მუხლის მე-8 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.