უკრაინის პრეზიდენტი ვოლოდიმირ ზელენსკი ანტონიო კოშტას ესაუბრა.

ვოლოდიმირ ზელენსკის ცნობით, ევროპული საბჭოს პრეზიდენტმა, ანტონიო კოშტამ უკრაინას ევროპის დღე მიულოცა.

„ანტონიოსთან უკრაინის შემდგომი ევროინტეგრაციის საკითხი განვიხილეთ. უკრაინა, როგორც ევროკავშირის სრულუფლებიანი წევრი, საკუთარ ადგილს დაიკავებს. ჩვენ ვემზადებით კლასტერების გასახსნელად“, - წერს ზელენსკი X-ზე.

ასევე, მისი თქმით, ევროპული საბჭოს პრეზიდენტთან დიპლომატიასთან დაკავშირებული საკითხებიც განიხილა.

„განვიხილეთ აშშ-ის შუამავლობით მიღწეული შეთანხმება, რომელიც რუსეთთან ტყვეების გაცვლას ითვალისწინებს. ევროპას უკრაინის მხარდაჭერისთვის მადლობას ვუხდი“, - აცხადებს უკრაინის პრეზიდენტი.