ფილარმონიიდან პარლამენტის მიმართულებით შაბათის ტრადიციული საპროტესტო მარში მიმდინარეობს.

მსვლელობის დღევანდელი ლოზუნგია „ძალა ერთობაშია - ძალა ევროპაშია“.

მარშის მონაწილეებს ხელში უჭირავთ საქართველოსა და ევროკავშირის დროშები. ასევე, მოქალაქეებმა მსვლელობისას საქართველოს დროშა გაშალეს.

ისინი პარლამენტთან დაგეგმილ აქციას შეუერთდებიან, სადაც მოქალაქეები ერთ წელზე მეტია იკრიბებიან და ითხოვენ, დაინიშნოს ახალი საპარლამენტო არჩევნები და გათავისუფლდნენ აქციების დროს დაკავებულები.