რუსთაველის გამზირზე, პარლამენტის წინ აქცია გაიმართა.

საკანონმდებლო ორგანოსთან შეკრებილებს მსვლელობით შეუერთდნენ აქციის ის მონაწილეები, რომლებიც ფილარმონიიდან ჯერ მთავრობის ადმინისტრაციასთან მივიდნენ და დიუშენით დაავადებული ბავშვის მშობლებს სოლიდარობა გამოუცხადეს, შემდეგ კი პარლამენტთან გადაინაცვლეს.

აქციის მონაწილეებს ადგილზე მიტანილი ჰქონდათ საქართველოსა და ევროკავშირის დროშები.

პროტესტში მყოფი მოქალაქეები ერთ წელზე მეტია საკანონმდებლო ორგანოსთან საპროტესტო აქციებს მართავენ და ითხოვენ, დაინიშნოს ახალი საპარლამენტო არჩევნები და გათავისუფლდნენ აქციების დროს დაკავებულები.