[ახალ პატრიარქს] ეკლესია უნდა უყვარდეს მთელი არსებით, - ასე უპასუხა წილკნისა და დუშეთის მიტროპოლიტმა, მეუფე ზოსიმემ მედიის კითხვას, თუ რა მისია უნდა შეასრულოს ახალმა პატრიარქმა.

აღნიშნული კომენტარი მიტროპოლიტმა სამების საკათედრო ტაძარში შესვლამდე გააკეთა.

„ღმერთს როგორც უნდა, ისე იქნება. ეკლესია უნდა უყვარდეს მთელი არსებით“, -განაცხადა მიტროპოლიტმა ზოსიმემ.

შეგახსენებთ, სამების საკათედრო ტაძარში საქართველოს მართლმადიდებელი ეკლესიის გაფართოებულ კრებაზე დღეს საქართველოს 142-ე პატრიარქს აირჩევენ. წმინდა სინოდის გადაწყვეტილებით, პატრიარქობის კანდიდატები არიან: საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი), მროველ ურბნელი მიტროპოლიტი იობი და ფოთისა და ხობის მიტროპოლიტი გრიგოლი.

საქართველოს მართლმადიდებელი ეკლესიის გაფართოებულ კრებას, რომელზეც ახალ პატრიარქს აირჩევენ, 1200-მდე დელეგატი დაესწრება.