ვულოცავ საქართველოს კათოლიკოს-პატრიარქს, მის უწმინდესობა შიო III-ს და ჩვენს ქვეყანას, ახალი პატრიარქის არჩევას, უფლის წყალობა ეწეოდეს ყოველთვის, - ამის შესახებ იოანე ბაგრატიონი სოციალურ ქსელში წერს.

განცხადებაში იოანე ბაგრატიონი პატრიარქ შიო III-ს უფლის მადლს, ძალას და წყალობას უსურვებს „უდიდესი სულიერი ჯვრის ტარებისას, საქართველოს ეკლესიისა და ერის სამსახურში".

"საქართველოს წმინდა სამოციქულო ავტოკეფალური მართლმადიდებელი ეკლესიის ავტოკეფალიის 1700-წლოვან იუბილესთან დაკავშირებულ ამ ისტორიულ წელს, წმინდა სინოდმა საქართველოს 142-ე კათოლიკოს-პატრიარქად აირჩია მისი უწმინდესობა შიო III.

გრძელდება საქართველოს, მსოფლიოს ერთ-ერთი უძველესი ავტოკეფალური ქრისტიანულ-მართლმადიდებლური ეკლესიის მრავალსაუკუნოვანი სულიერი და ისტორიული გზა.

გულითადად ვულოცავთ საქართველოს წმინდა სამოციქულო ავტოკეფალური მართლმადიდებელი ეკლესიის მეთაურს, უწმინდესსა და უნეტარესს, სრულიად საქართველოს კათოლიკოს-პატრიარქს, მცხეთა-თბილისის მთავარეპისკოპოსს, ბიჭვინთისა და ცხუმ-აფხაზეთის მიტროპოლიტს, ჩვენს დიდ მეუფესა და მამას, შიო III-ს.

უფლის მადლი, ძალა და წყალობა ეწეოდეს მუდამ მის უწმინდესობას, ამ უდიდესი სულიერი ჯვრის ტარებისას, საქართველოს ეკლესიისა და ერის სამსახურში",-წერია განცხადებაში.