ევროკავშირის საგარეო საქმეთა მინისტრები ისრაელელი მოსახლეების მიმართ, პალესტინელების წინააღმდეგ ძალადობის გამო, ახალი სანქციების დაწესებაზე შეთანხმდნენ.

„დასრულდა. ევროკავშირი დღეს სანქციებს უწესებს მთავარ ისრაელურ ორგანიზაციებს, რომლებიც დამნაშავეები არიან დასავლეთ სანაპიროს ექსტრემისტული და ძალადობრივი კოლონიზაციის მხარდაჭერაში, ასევე მათ ლიდერებს“, - დაწერა საფრანგეთის საგარეო საქმეთა მინისტრმა ჟან-ნოელ ბარომ სოციალურ ქსელში.

მისი განცხადებით, „ეს ყველაზე სერიოზული და აუტანელი ქმედებები დაუყოვნებლივ უნდა შეწყდეს“.

ევროკავშირის ოფიციალურმა პირებმა განაცხადეს, რომ სასანქციო სიაში შვიდი მოსახლე ან მოსახლეთა ორგანიზაცია შევა. ბლოკი ასევე შეთანხმდა დაჯგუფება „ჰამასის“ წარმომადგენლების წინააღმდეგ სანქციების დაწესებაზე.

ცნობისთვის, ისრაელელი მოსახლეების წინააღმდეგ სანქციების დაწესების გადაწყვეტილებას უნგრეთის ყოფილი პრემიერ-მინისტრი ვიქტორ ორბანი თვეების განმავლობაში ბლოკავდა.