მოუთმენლად ველი ჩემს ვიზიტს ჩინეთში, საოცარ ქვეყანაში, რომლის ლიდერი პრეზიდენტ სი ძინპინია, რომელსაც ყველა პატივს სცემს, - ამის შესახებ აშშ-ის პრეზიდენტი დონალდ ტრამპი სოციალურ ქსელში წერს.

„ორივე ქვეყნისთვის დიდი რამ მოხდება!“- აცხადებს ტრამპი.

აშშ-ის პრეზიდენტმა გუშინ განაცხადა, რომ ჩინელ კოლეგასთან შესანიშნავი ურთიერთობა აქვს. „მე მას დიდ პატივს ვცემ, იმედია, ისიც პატივს მცემს“, - განუცხადა ტრამპმა ჟურნალისტებს.

ჩინეთის საგარეო უწყების განცხადებით, დონალდ ტრამპი პეკინში ჩინეთს, პრეზიდენტის სი ძინპინის მიწვევით, 13-15 მაისს ესტუმრება.