რუსეთის პრეზიდენტ ვლადიმერ პუტინის სპეციალური წარმომადგენელი კირილ დმიტრიევი აცხადებს, რომ მოახლოებული ენერგეტიკული კრიზისი ევროპას რუსეთთან დიალოგს აიძულებს.

„ფინეთის პრეზიდენტი სტუბი მიიჩნევს, რომ „რუსეთისა და უკრაინის მიმართ „ამერიკული პოლიტიკა ევროპის ინტერესებში არ შედის“ და „დროა, რუსეთთან საუბარი დავიწყოთო“. მოახლოებული ენერგეტიკული კრიზისის ცუნამი, რომელიც ევროკავშირსა და გაერთიანებულ სამეფოს დაატყდება თავს, ამას გარდაუვალს გახდის“, - წერს დმიტრიევი.

ცნობისთვის, ფინეთის პრეზიდენტმა ალექსანდრ სტუბმა განაცხადა, რომ ევროპამ რუსეთთან დიალოგი უნდა დაიწყოს.

“თუ ამერიკის პოლიტიკა რუსეთისა და უკრაინის მიმართ ევროპის ინტერესებში არ შედის, მაშინ ჩვენ პირდაპირ უნდა ჩავერთოთ. დიახ, დროა დავიწყოთ რუსეთთან საუბარი. არ ვიცი, როდის მოხდება ეს. ჩვენ განვიხილეთ ევროპელ ლიდერებთან, რომლებიც დაამყარებენ კონტაქტს, მაგრამ ჯერ არ ვიცით. ყველაზე მნიშვნელოვანი ის არის, რომ ყველაფერი ჩვენს შორის უნდა იყოს კოორდინირებული, განსაკუთრებით E5-ს (გერმანია, საფრანგეთი, იტალია, გაერთიანებული სამეფო და პოლონეთი) და სკანდინავიურ და ბალტიის ქვეყნებს შორის“, - აღნიშნა სტუბმა.