საქართველოში შვეიცარიის საელჩოს რუსეთის ინტერესების სექციის ხელმძღვანელი, დმიტრი ოლისოვი შიო III-ს პატრიარქას აღსაყდრებას ულოცავს.

ოლისოვის განცხადებას საქართველოში შვეიცარიის საელჩოს რუსეთის ინტერესების სექცია სოციალურ ქსელში ავრცელებს.

განცხადებაში შიო III მოხსენიებულია როგორც “სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი, ბიჭვინთისა და ცხუმ-აფხაზეთის მიტროპოლიტი”.

“თქვენი სახით, ყოვლადწმინდა ღვთისმშობლის წილხვედრმა 1700 წლის ივერიის სახელგანთქმულმა ეკლესიამ იპოვა ახალი წინამძღვარი და მარადსახსენებელი უწმინდესისა და უნეტარესის, ილია II-ის ღვაწლის ღირსეული გამგრძელებელი.

რუსეთში დიდი ენთუზიაზმით შეხვდნენ ასეთი გამოცდილი ეპისკოპოსის არჩევის ამბავს, რომელიც მამობრივი სიბრძნითა და მსოფლიო მართლმადიდებლობის კანონიკური საფუძვლებისადმი უკომპრომისო ერთგულებით არის ცნობილი. იმედი მაქვს, რომ თქვენი მომავალი საპატრიარქო მსახურება ასევე ხელს შეუწყობს რუსეთისა და საქართველოს დაძმობილებულ ეკლესიებს შორის ტრადიციულად ნდობით სავსე კავშირების განმტკიცებას”, - წერს ოლისოვი.