უკრაინის საგარეო საქმეთა მინისტრი, ანდრეი სიბიგა უნგრეთს მადლობას უხდის რუსეთის მეირ დრონებით თავდასხმის დაგმობისთვის.

ამის შესახებ უკრაინის საგარეო საქმეთა მინისტრი, ანდრეი სიბიგა სოციალურ ქსელში წერს.

კერძოდ, სიბიგა მადლობას თავის უნგრელ კოლეგას, ანიტა ორბანს უხდის.

“მადლობა, ანიტა ორბან, თქვენი სწრაფი და ნათელი რეაგირებისთვის რუსულ დარტყმებზე. დღეს კიდევ ერთი მასიური თავდასხმის წინაშე ვართ. ეს ტერორი კოლექტიური ქმედებების შედეგად უნდა დასრულდეს - რათა მთელი ევროპა იყოს უსაფრთხოდ. ყოველ შესაძლებლობას გამოვიყენებთ ხანგრძლივი მშვიდობის მისაღწევად”, - წერს სიბიგა.

ცნობისთვის, აქამდე უნგრულმა მედიამ ინფორმაცია გაავრცელა, რომ ანიტა ორბანმა მთავრობის სახელით კომენტარი გააკეთა რუსეთის მიერ დრონებით უკრაინის ზაკარპატიის რეგიონზე დარტყმებზე.

“მუდმივი კონტაქტი გვაქვს ჩვენს კონსულთან, არაერთხელ გვილაპარაკია მასთან ტელეფონით და ინფორმაცია მოგვითხოვია ადგილზე არსებულ ვითარებაზე. მტკიცედ ვგმობთ თავდასხმას და ვიმედოვნებთ, რომ არავინ არ დაშავდა”, - განაცხადა ორბანმა.