„არქიმ“ 200,000 ლარზე მეტი ღირებულების მარადმწვანე ხის ნერგები ქალაქ რუსთავს საჩუქრად გადასცა
„არქიმ“ მასშტაბური გამწვანების ინიციატივის ფარგლებში ქალაქ რუსთავს მარადმწვანე ხის ნერგები საჩუქრად გადასცა. ულამაზესი კედრისა და მაგნოლიის ხეები ეტაპობრივად რუსთავის სხვადასხვა ლოკაციაზე დაირგვება.
პირველ ეტაპზე, ვაჟა-ფშაველას ქუჩის მიმდებარე სკვერში, არქელებმა რუსთავის მერიის წარმომადგენლებთან ერთად ნერგები სიმბოლურად, საკუთარი ხელით დარგეს.
ინიციატივას საქართველოში #1 დეველოპერული კომპანია „არქი“ სოციალური პასუხისმგებლობის ფარგლებში ახორციელებს. კომპანიის მიზანია, უძრავი ქონების დეველოპმენტთან ერთად, ხელი შეუწყოს გარემოს გაჯანსაღებასა და ეკოლოგიაზე ზრუნვას.
„მწვანე ინიციატივები „არქისთვის“ უმნიშვნელოვანესია, რაც კომპანიის კორპორაციული სოციალური პასუხისმგებლობის განუყოფელი ნაწილია. წლის განმავლობაში ვგეგმავთ არაერთი მსგავსი პროექტის განხორციელებას, სადაც არქელები აქტიურად ჩაერთვებიან,“ — განმარტავს შიო ხეცურიანი, „არქის“ გენერალური დირექტორი.
(R)
