ირანის პარლამენტის თავმჯდომარე პაკისტანის არმიის მეთაურს შეხვდა, - ინფორმაციას ირანული მედია ავრცელებს.

ირანის პარლამენტის თავმჯდომარე, მოჰამედ ბაგერ ღალიბაფი თეირანში პაკისტანის არმიის მეთაურს, ფელდმარშალ ასიმ მუნირს შეხვდა.

ირანში ვიზიტის ფარგლებში მუნირმა მოლაპარაკებები ირანის პრეზიდენტ მასუდ ფეზეშქიანთან და საგარეო საქმეთა მინისტრ აბას არაღჩისთანაც გამართა.

ირანის სახელმწიფო მედიის ცნობით, ღალიბაღმა მუნირს განუცხადა, რომ ირანი საკუთარი ხალხისა და ქვეყნის უფლებებთან დაკავშირებით კომპრომისზე არ წავა.

ასევე, ირანის პარლამენტის თავმჯდომარემ შეხვედრის შემდეგ სოციალურ ქსელში დაწერა, რომ თუ აშშ „სულელურად ომს განაახლებს, მაშინ შედეგები უფრო გამანადგურებელი“ იქნება.

„ჩვენმა არმიამ ცეცხლის შეწყვეტის პერიოდში საკუთარი ძალები აღიდგინა“, - დაწერა ღალიბაფმა.