პრემიერ-მინისტრი მუსლიმ თემს ყურბან-ბაირამს ულოცავს
საქართველოს პრემიერ-მინისტრი ირაკლი კობახიძე მუსლიმ თემს ყურბან-ბაირამს ულოცავს.
როგორც პრემიერ-მინისტრი აღნიშნავს, მუსლიმებთან მრავალსაუკუნოვანი თანაცხოვრება, ერთმანეთის ტრადიციებისა და კულტურის პატივისცემა ის საგანძურია, რაზეც საქართველოს ძლიერი მომავალი შენდება.
"ჩვენს მუსლიმ თანამოქალაქეებს გულითადად გილოცავთ ყურბან-ბაირამს - სიკეთის, ურთიერთთანადგომისა და იმედის დღესასწაულს.
ჩვენი მრავალსაუკუნოვანი ძმური თანაცხოვრება, ერთმანეთის ტრადიციებისა და კულტურის პატივისცემა ის საგანძურია, რომლითაც თითოეული ჩვენგანი ამაყობს და რაზეც ჩვენი ქვეყნის ძლიერი მომავალი შენდება.
ვუერთდები საზეიმო განწყობას, რომელიც დღეს თქვენს ოჯახებშია და თითოეულ თქვენგანს მშვიდობას, კეთილდღეობასა და ბედნიერებას გისურვებთ", - აღნიშნავს პრემიერი.
