უკრაინის პრეზიდენტი, ვოლოდიმირ ზელენსკი უკრაინის საჰაერო თავდაცვის გაძლიერების საკითხზე ევროკომისიის პრეზიდენტს, ურსულა ფონ დერ ლაიენს ესაუბრა, - ინფორმაციას უკრაინის პრეზიდენტი სოციალურ ქსელში ავრცელებს.

უკრაინის პრეზიდენტმა, ვოლოდიმირ ზელენსკიმ და ევროკომისიის პრეზიდენტმა, ურსულა ფონ დერ ლაიენმა ბალისტიკური რაკეტების საწინააღმდეგო თავდაცვითი შესაძლებლობების გაძლიერების საკითხი განიხილეს.

„ევროპას შესაბამისი შესაძლებლობები აქვს და ევროკავშირთან ჩვენი თანამშრომლობის ფარგლებში, კერძოდ დრონების შეთანხმების მიმართულებით, ამის შესახებ ვისაუბრეთ. ჩვენი გუნდები აქტიურად მუშაობენ და არიან ქვეყნები, რომლებიც მზად არიან შეთანხმებას შეუერთდნენ“, - წერს ზელენსკი X-ზე.

ასევე, ზელენსკიმ და ურსულა ფონ დერ ლაიენმა უკრაინის ევროკავშირში გაწევრიანების საკითხიც განიხილეს.

„ჩვენ მოლაპარაკებების ექვსივე კლასტერის გასახსნელად მზად ვართ და იმედი გვაქვს, რომ პირველი კლასტერი ივნისში გაიხსნება. ასევე, ძალიან მნიშვნელოვანია, რომ ევროპული მხარდაჭერის პაკეტიდან პირველი ტრანში მალე გამოიყოს. თარიღი განსაზღვრულია და ვიმედოვნებთ, რომ ყველაფერი შეთანხმების შესაბამისად განხორციელდება“, - აცხადებს უკრაინის პრეზიდენტი.