თურქეთის ქალაქ დენიზლიში პამუკკალეს ტურისტული კომპანიის კუთვნილი სამგზავრო ავტობუსი დენიზლი-აიდინის გზატკეცილზე ბარიერებს შეეჯახა, რის შედეგადაც ავტობუსს ცეცხლი გაუჩნდა.

თურქული მედიის ინფორმაციით, ავტოსაგზაო შემთხვევის შედეგადაც 8 ადამიანი, მათ შორის ერთი ჩვილი, დაიღუპა და 33 დაშავდა.

გავრცელებული ინფორმაციით, ავტობუსი იზმირიდან ანტალიაში მიემგზავრებოდა და მასში 38 მგზავრი და 3 მძღოლი იმყოფებოდა.

დაშავებულები სასწრაფო დახმარების მანქანით ქალაქის საავადმყოფოებში გადაიყვანეს.