ლოზუნგით - „მიეცით ბავშვებს წამალი“ რუსთაველის მეტროდან მთავრობის ადმინისტრაციამდე საპროტესტო მსვლელობა მიმდინარეობს.

მსვლელობაში დიუშენის კუნთოვანი დაავადების მქონე ბავშვები, მათი მშობლები და მოქალაქეები მონაწილეობენ. მათი მთავარი მოთხოვნაა, სახელმწიფომ ქვეყანაში შესაბამისი მედიკამენტები შემოიტანოს.

უკვე ერთ თვეზე მეტია, მშობლები მთავრობის ადმინისტრაციასთან წამლის შემოტანის მოთხოვნით უწყვეტ აქციას მართავენ და ადგილზე ღამესაც ათენებენ.