ირანს ნამდვილად სურს შეთანხმების დადება და ეს კარგი იქნება აშშ-სთვის და მათთვის, ვინც ჩვენთანაა, - ამის შესახებ აშშ-ის პრეზიდენტი დონალდ ტრამპი Truth Social-ზე წერს.

მისი მტკიცებით, საბოლოოდ ყველაფერი კარგად იქნება.

„ნუთუ „დუმოკრატებს“ და ზოგიერთ, ერთი შეხედვით არაპატრიოტ „რესპუბლიკელს“ არ ესმით, რომ ჩემთვის გაცილებით რთულია ჩემი საქმის სათანადოდ შესრულება და მოლაპარაკებების წარმოება, როდესაც პოლიტიკური ავანტიურისტები გამუდმებით და უპრეცედენტო მასშტაბით „ჭრიჭინებენ“, რომ უფრო სწრაფად უნდა ვიმოქმედო, ან უფრო ნელა, ომი უნდა დავიწყო თუ არ უნდა დავიწყო და ასე შემდეგ. უბრალოდ მოდუნდით და დამშვიდდით, საბოლოოდ ყველაფერი კარგად დასრულდება - ყოველთვის ასეა!“- წერს ტრამპი.